სასიამოვნო სიურპრიზი ჩემი პატარებისგან წლის ბოლოს

ჩვენი ოთხწლიანი ურთერთბის ბოლო დღებია... ბავშვების სიყვარულითა და სითბოთი ვტკბები, ვიხსენებთ გასულ ოთხ წელს–შემოქმედებითდ დატვირთულს. 

 ჩვეულებისამებრ, კარს მივადექი გასაღებად, მაგრამ ვინ გიღებს?
–მასწ, არ შემოხვიდეთ, რა, ცოტა ხანი!–მთხოვენ ისინი.
–გარეთ ხომ ვერ დავრჩები, ბავშვებო?–ვეკითხები გაკვირვებული.

 ველოდები, როდის დამრთავენ საკლასო ოთახში შესვლის ნებას.ოგორც იქნა ოთახში შემიპატიჟეს.
რას ვხედავ: ჩემი ოთახი ვეღარ ვიცანი. ყველაფერი შეცვლილი დამხვდა, მერხები რიგებად ჩამწკრივებული (როგორც თვითონ მითხრეს, პირველ კლასში ასე დახვდათ) , სახელდახელოდ მოწყობილი სცენა, დეკორაციები, სასცენო რეკვიზიტები, რომლებიც თავად შეუქმნიათ ადგილობრივი რესურსებით, ულამაზესად მოხატული დაფა, ყვავილები...და, რაც მთავარია, მათ მიერ შექმნილი პიესა, რომელიც ჩვენ თვალწინ გაითამაშეს.

ეს ყველაფერი იმდენად გულისამაჩუყებელი იყო, რომ თვალზე ცრემლმორეულმა სათითაოდ ჩავიკარი ყველა გულში და შევეცადე, გამენაწილებინა მათთვის ჩემი ემოციები, რომელიც მათგან იმ წუთებში მივიღე.

მადლობა, ჩემო პატარებო, ჩემო „სხვანაირებო“, "ოქროებო" და "ბრილიანტებო", არ ვიცი, უთქვენოდ როგორ ვიქნები გაისად. 
თქვენ მსოფლიოში, მართლაც, საუკეთესო ბავშვები ხართ!
მიყვარხართ უკიდეგანოდ!

https://drive.google.com/file/d/0B_fPoHAP37eRdjlSQ1c4WlBmV28/view

ექსკურია

წლის ბოლოს , 2015 წლის 31 მაისს მოვაწყვეთ ექსკურსია მარშრუტით  დუმბაძის სახლ–მუზეუმი, ჯიხეთის მონასტერი, ნიკოლაძის სახლ–მუზეუმი

პროექტის "გზად ჯანმრთელობისკენ!"პრეზენტაცია

—პროექტის აქტუალობა

       მოსწავლეებს დარღვეული აქვთ კვების რეჟიმი და ხშირად ეკოლოგიურად სუფთა პროდუქტის ნაცვლად მიირთმევენ უხარისხო, ჯანმრთელობისათვის მავნე ნივთიერებების შემცველ პროდუქტებს.

—   გარდა ამისა დიდი მნიშვნელობა აქვს სუფთა გარემოს შენარჩუნებას, ჰიგიენის წესების დაცვას, რაც კიდევ ერთი დიდი პრობლემაა.

პროექტის მიზნები:

·         მოსწავლეებმა გაიღრმავონ ცოდნა ჯანსაღი და არაჯანსაღი საკვების  შესახებ და მოახდინონ ჯანსაღი კვების პოპულარიზაცია თანატოლებში და საზოგადოებაში;  

·         ჩამოუყალიბდეთ პირადი ჰიგიენის დაცვისა და სუნთქვის ჰიგიენის წესების დაცვის მოთხოვნილება. გააცნობიერონ სპორტის მნიშვნელობა ჯანმრთელობის შენარჩუნებისათვის.

·         მოხდეს  კვლევის, მსჯელობის, ანალიზის, შემოქმედებითი, საკომუნიკაციო და სოციალური უნარ-ჩვევების ფორმირება.

·         შეძლონ ინფორმაციის ეფექტურად და ეფექტიანად მოპოვება, მონაცემთა შეგროვება და ანალიზი, დასკვნების გამოტანა,  კრიტიკული და კომპეტენტური შეფასება.

გაიღრმავონ ტექნოლოგიის გამოყენების უნარ-ჩვევები,  როგორც ინფორმაციის კვლევის, ორგანიზების, შეფასებისა და კომუნიკაციის საშუალების. გაერკვნენ ინფორმაციის ხელმისაწვდომობისა და გამოყენების ეთიკურ/იურიდიულ საკითხებში
პროექტის შედეგები:

     

·         მოსწავლეები შეუძლიათ ჯანსაღი და მავნე პროდუქტების  ერთმანეთისაგან გარჩევა და ყოველდღიურ ცხოვრებაში ცდილობენ სასარგებლო ნივთიერებების შემცველი  საკვების მიღებას; თითქმის აღარ იძენენ ნახევარფაბრიკატებს სკოლის მიმდებარე მაღაზიებში(ხშირად სახლიდან მოაქვთ საკვები და შესვენებაზე მიირთმევენ); პროდუქტის ყიდვის დროს ეცნობიან შენახვის ვადისა და პირობების ეტიკეტს.

ზრუნავენ სუფთა და ჯანსაღი გარემოს შექმნასა და შენარჩუნებაზე: ხშირად ანიავებენ ოთახს, შინიდან მოიტანეს ქოთნით ყვავილები და როგორც შეუძლიათ, ცდილობენ ოთხში სისუფთავის შენარჩუნებას. გააცნობიერეს სპორტის მნიშვნელობა ჯანმრთელობისათვის. კლასის 4 მოსწავლე აქტიურად ჩაერთო კიდეც სპორტში.

საზოგადოების მცირე ნაწილმა მოსწავლეების საშუალებით  მიიღო  ინფორმაცია ჯანსაღი საკვების მიღების მნიშვნელობაზე; (სოციალური და სამოქალაქო კომპეტენცია)

• პრობლემის წარმოქმნის შემთხვევაში იციან პრევენციისთვის რომელი ორგანიზაციები და კომპეტენტური პირები გაუწევენ კონსულტირებას (სოციალური და სამოქალაქო კომპეტენცია,ადვოკატირება,ლობირება)

·         დამოუკიდებლად შეუძლიათ პრობლემურ საკითხთან დაკავშირებით ინფორმაციის მოძიება მცირე კვლევის წარმოება, მონაცემთა შეგროვება და მათი ანალიზის საფუძველზე დასკვნების გაკეთება და რეკომენდაციების გაცემა;(საინფორმაციო წიგნიერება, კრიტიკული აზროვნება და პრობლემების გადაჭრა )

·         დამოუკიდებლად შეუძლიათ რესურსების შექმნა სხვადასხვა ფორმატში (ბროშურა, გაზეთი, ხელნაკეთი წიგნი) და საჭიროების შემთხვევაში თანატოლებთან  გამოცდილების გაზიარება.  აქვთ ქსელური ძიების, ტექსტების ელექტრონული დამუშავებისა და ტექსტური შეტყობინების პროგრამების გამოყენების უნარი, გამოუმუშავდათ  შემოქმედებითი და ინოვაციური მიდგომები(ციფრული წიგნიერება);

·        შეუძლიათ მულტიმედიური ტექსტების აღქმა-გააზრება, გამოყენება და შექმნა, მიღებული ინფორმაციის კრიტიკულად შეფასება (მედიაწიგნიერება)

·         იცავენ საავტორო უფლებებს მათ მიერ მოპოვებულ ინფორმაციაზე.(სამოქალაქო კომტენცია)

დიფერენცირებული გაკვეთილი

ჩვენს კლასში დღეს მორიგი სამოდელო გაკვეთილი ჩატარდა. ეს იყო პროექტ G-PriEd–ის ფარგლებში განხორციელებული დიფერენცირებული სწავლების გაკვეთილი: მართული კითხვის აქტივობა.
გაკვეთილი საინტერესო და შემოქმედებითდ დატვირთული იყო.  ბავშვებმა მაქსიმალურად გამოავლინეს საკუთარი შესაძლებლობები. მათ დამოუკიდებლად წაიკითხეს და გაიაზრეს სამი სხვადასხვა დონისა და სირთულის ტექსტი. გამოავლინეს კრიტიკული და ანალიტიკური აზროვნება, იმუშავეს კოგნიტურ სქემებსა და დიაგრამებზე, იმსჯელეს, ივარაუდეს, გააკრიტიკეს, შეფასეს, გააკეთეს დასკვნები ტექსტისა და პერსონაჟის  შესახებ.
ბავშვებს ძალიან მოსწონთ აღნიშNული მიდგომით ჩატარებული გაკვეთილები. ისინ ამ ტიპის გაკვეთილებზე თავს უფრო ლაღად გრძნობენ, თავისუფლად აზროვნებენ, უფრო მეტად მოტივირებულნი არიან და შედეგსაც მეტი ხარისხით აღწევენ.

საგანმანათლებლო ტექნოლოგიების კონფერენცია

საქართველოს საგანმანათლებლო ტექნოლოგიების  კონფერენცია 21-23 ნოემბერს თბილისში, სასტუმრო ქორთიართ მარიოტში  ჩატარდა. 

საქართველოს საგანმანათლებლო ტექნოლოგიების კონფერენცია მიზნად ისახავს ტექნოლოგიების სფეროში მიმდინარე თანამედროვე ტენდენციების, საგანმანათლებლო სექტორში ინტეგრირებისა და განპირობებული ცვლილებების შესახებ დაინტერესებული მხარეების ინფორმირებას, ტექნლოგიების სასწავლო პროცესში გამოყენების საუკეთესო პრაქტიკისა და გამოცდილების გაცნობასა და გაზიარებას  მასწავლებლებს, ექსპერტებს, უნივერსიტეტის წარმომადგენლებსა და საგანმანათლებლო ტექნოლოგიების სფეროში მოღვაწე ორგანიზაციებს შორის. 

საქართველოს განათლებისა და მეცნიერების მინისტრის მოადგილემ ლია გიგაურმა და მასწავლებელთა პროფესიული განვითარების ეროვნული ცენტრის დირექტორმა გიორგი მაჩაბელმა საქართველოს საგანმანათლებლო ტექნოლოგიების კონფერენცია გახსნეს, რომელსაც განათლებისა და მეცნიერების სამინისტროს, საერთაშორისო და არასამთავრობო ორგანიზაციების წარმომადგენლები ესწრებოდნენ.

კონფერენცია მასწავლებელთა პროფესიული განვითარების ეროვნული ცენტრის ინიციტივით და ინტელის, მაიკროსოფტის, იუ-ჯი-თისა და ეისერის მხარდაჭერით მოეწყო, რომლის მიზანია ტექნოლოგიების სფეროში მიმდინარე თანამედროვე ტენდენციების, საგანმანათლებლო სექტორში ინტეგრირებისა და განპირობებული ცვლილებების შესახებ დაინტერესებული მხარეების ინფორმირება, ტექნლოგიების სასწავლო პროცესში გამოყენების საუკეთესო პრაქტიკისა და გამოცდილების გაცნობა/გაზიარება მასწავლებლების, ექსპერტებს, უნივერსიტეტის წარმომადგენლებსა და საგანმანათლებლო ტექნოლოგიების სფეროში მოღვაწე ორგანიზაციებს შორის.

კონფერენციაზე იმსჯელეს ისეთ საკითხებზე, როგორიცაა:

• საგანმანათლებლო ტექნოლოგიები და მათი გამოყენება სასწავლო პროცესში;

• საგანმანათლებლო ტექნოლოგიების სფეროში მიმდინარე ტენდენციები და განპირობებული ცვლილებები;

• საკლასო ოთახში არსებული ტექნიკური პრობლემების გადაჭრის გზები.

კონფერენციის ფარგლებში მოეწყო ტექნოლოგიების გამოფენა და პრაქტიკული აქტივობები სხვადასხვა კომპიუტერული მოწყობილობებისა და პროგრამული უზრუნველყოფების დემონსტრირების მიზნით. მონაწილეები გაეცნენ ტექნოლოგიებს, რომლის გამოყენებაც წარმატებით შეიძლება საგანმანათლებლო პროცესში, ხოლო მეორეს მხრივ მონაწილეებისგან მიიღეს ინფორმაცია თუ რა საჭიროებები არსებობს საკლასო ოთახში და როგორ შეიძლება მათ გადასაჭრელად ტექნოლოგიების გამოყენებ

პროექტი "მზის სისტემა"

დამთავრდა არდადეგები. ახალი ენერგიითა და დიდი შემართებით დავუბრუნდით სკოლას და საქმეს. უკვე მეოთხეკლასელები ვართ.
პირველივე კვირაში მოსწავლეთა მხრიდან გაჩნდა იდეა პროექტის განხორციელებისა, რასაც საფუძვლად დაედობუნებისმეტყველებაში შესწავლილი თემა  "მზის სისტემა". თემის შესწავლის პროცესში გაუჩნდათ  სურვილი, ამ თემას უფრო ჩაღმავებოდნენ. მართლაც, მოიმარაგეს ყველა რესურსი, რაც პროექტისთვის იქნებოდა საჭირო და მეც აქტიურად ჩავერთვე წამოწყებულ ინიციატივაში.
პროექტი 2 კვირა მიმდინარეობდა.

პროექტის მასალების სანახავად გადადით ბმულზე:
https://drive.google.com/folderview?id=0B_fPoHAP37eRUmw4dnR5OWtKb1U&usp=sharing_eid

ექსკურსია-18.06.2014

დამთავრდა III კლასი. წლის დასასრულს ერთად დავგეგმეთ ექსკურსია საქართველოს ერთ-ერთ ულამაზეს კუთხეში სამეგრელოში, კერძოდ. თავდაპირველად ვესტუმრეთ  მარტვილის სამონასტრო კომპლექსს, რომელიც არის ადრეული შუა საუკუნეების ქრისტიანული ტაძარი და სამონასტრო კომპლექსი. დავათვალიერეთ მონასტრის არაჩვეულებრივი ეზო. შემდეგ გზა განვაგრძეთ  სალხინოში, სადაც საოცარი სილამაზის მქონე დადიანების საზაფხულო რეზიდენცია გადაგვეშალა თვალწინ.

ბოლოს სოფელ ჭყონში ერთ-ერთი ჩვენი კოლეგის ეზოში ვივახშმეთ,  პატარებმა მდინარეში იბანავეს და ბევრი იხალისეს.

ეს დღე ლამაზ მოგონებად დარჩება მათ მეხსიერებაში.